Sunday 20 March 2011

Soul-Winning Script (Cebuano)

May nakasugilon na ba kanimo nga ang Dios nahigugma kanimo ug aduna Siyay nindot nga plano sa imong kinabuhi?

Ania koy mubo apan mahinungdanon kaayo nga pangutana kanimo. Kon moabut kanimo ang kamatayon karon gayud dayon, nahibawo ka ba sa wala gayuy landong sa pagduhaduha nga langit ang imong padulngan?

Sa makadiyot lang kaayo, sultihan ko ikaw kon unsay Pulong sa Balaang Kasulatan. Ang Bibliya nag-ingon:

“...ang tanan nakasala ug nawad-an sa himaya sa Dios”; ug

“...ang bayad sa sala, kamatayon, apan ang gasa sa Dios kinabuhi nga walay katapusan, pinaagi kang Christo Jesus nga Ginoo".

Ang Balaang Kasulatan usab nag-ingon:

“...kong kinsa kadtong motawag sa ngalan sa Dios mamaluwas”.

Ug ikaw usa sa sa “si kinsa” dili ba? Usa gayud ikaw, ug kitang tanan!

Mag ampo ako ug hamubo nga pag ampo alang kanimo:

Ginoo, panalangini kining akong higala ug ang iyang panimalay sa hataas ug himsug nga kinabuhi. Ginoong Jesus, himoa nga tinuod ikaw sa iyang kinabuhi nga malihok sa iyang kasisngkasing. Kon ugaling wala pa man siya makadawat kanimo sa iyang kinabuhi, mag ampo ako nga himoon niya kini karon.

Higala, kon gusto nimong madawat kining maong gasa karon, sabat kanako sa pag-ampo nga gikan gayud sa imong kasingkasing ug ibungat kining gikan sa imong baba.

Mahal kong Ginoong Jesus, sulod sa akong kasingkasing karon. Ug pasayloa ako sa akong mga sala, hugasi ako, linisi ako. Himo-a akong gawasnon. Ginoong Jesus, salamat nga nagpakamatay ka tungod kanako. Mituo ako nga nabanhaw ka gikan sa mga minatay ug nga mobalik ka pag-usab alang kanako. Pun-a ako sa imong Balaang Spiritu. Hatagi ako ug kahingawa sa mga wala nay paglaum, ang kagutom sa mga butang nga gikan Kanimo ug balaan nga magwali sa Imong Pulong. Luwas na ako, natawo na ako pag-usab. Ug pinasaylo na ako, padulong gayud ako sa langit tungod kay naa akoy Jesus sa akong kasingkasing.

Ingon nga minister sa Pulong ni Ginoong Jesus, tug-anan ko ikaw karon, ang imong mga sala gipasaylo na. Hinumdomi gayud kanunay sa pagdangop sa Dios ug dili magpahilayo Kaniya, tungod kay gihigugma ka Niya Ug daku ang Iyang plano sa imong kinabuhi.

(Translation: Pastor Jonas Macalaguing)

No comments:

Post a Comment